Две згради со луксузни станови, лоцирани во ридовите над индонезискиот град Бандар Лампанг, се уништени во големо лизгање на земјиштето што се случило вчера, јавуваат локалните медиуми.
Во текот на денот се појавило свлечиште под двете згради во луксузниот комплекс станови „Цитра Ленд“, слепени една до друга, кои се уште биле во изградба и во нив имало мајстори кои работеле.
Според локалниот новинар Јуди Цепер, кој го забележал моментот кога се уриваат градбите, во инцидентот немало повредени, бидејќи градежниците претходно биле евакуирани.