Потпретседателот на САД Мајкл Пенс ѝ телефонирал на својата наследничка Камала Харис и ѝ честитал за назначувањето на позицијата, според две лица запознати со нивниот разговор, кои побарале да не бидат именувани, јави Си Ен Ен.
Ова е прв контакт меѓу избраните членови на администрацијата во заминување и администрацијата која доаѓа, додека сегашниот претседател Доналд Трамп не разговарал со избраниот претседател Џо Бајден и повеќепати ја оспори неговата победа.
Едно лице упатено во разговорот што се одржал во четвртокот попладне по локално време, го опиша како „добар“ и додаде дека Пенс и ја понудил својата помош на својата наследничка.
Пенс и Харис разговараат пет дена пред новата администрација да стапи на должност.
За разлика од Трамп, Пенс ќе присуствува на инаугурацијата на Бајден на 20 јануари.