Во Виена, Австрија денеска официјално ќе биде отворен најголемиот саем за енергетика во Европа „Power Gen Europe 2013“ на кој и годинава со свој штанд во саемскиот дел за промоција на обновливи извори на енергија ќе биде присутна и македонската компанија за производстгво на електрична енергија АД „Електрани на Македонија“ – ЕЛЕМ.
Ова е трето учество на АД ЕЛЕМ на „Power Gen Europe“, саемот на кој со свои штандови и презентации учествуваат компании од сите континенти. Повеќе од една деценија саемот на едно место ги собира најголемите светски брендови чија основна дејност е производство на енергија, но и компании кои произведуваат опрема за енергетски капацитети.
Пред две години во Милано и лани во Келн штандот на единствената македонска компанија која доесега излагала на најголемиот саем за енергетика го посетија преку 3.000 посетители и се воспостави комуникација со најголемите компании.