Најмалку 55 лица загинаа, а десетици се ранети во пожар во кланица за птици во североисточна Кина.
Пожарот бил предизвикан рано изутринава поради кус спој во еден од производствените погони на компанијата „Баојоан“ во градот Духеј во провинција Џилин.
Над 300 лица се наоѓале во кланицата за птици при избувнувањето на пожарот. Стотина работници успеале да ја напуштат фабриката, чии врати биле заклучени во моментот кога се разгорел огнот.
Спасувачките операции се отежнати од сложената конструкција на зградата, во која избувна пожарот и поради тесните излези.