Ќе има ли кадровски смени во ДУИ?
„На генералниот секретар на ДУИ и актуелен министер за животна средина, Абдилаќим Адеми, сé повеќе му слабее позицијата во партијата, и таа функција наскоро може да ја добие актуелниот министер за правда, Блерим Беџети“, пишува порталот на македонски и на албански јазик „Журнал“.
Според извори од партија на кои е повикува порталот, Блерим Беџети ужива сé поголема поддршка за позицијата во раководството на ДУИ, вклучувајќи ја и поддршка на лидерот на партијата, Али Ахмети, па не е исклучено Адеми да биде назначен за директор на некое јавно претпријатие, иако како опција постои и можноста тој да биде испратен како амбасадор во некоја странска земја.
Инаку, слабеењето на позицијата на Адеми во партијата се должело на недостатокот од комуникација со партиската структура.