Полицијата во Виетнам приведе околу 30 антикинески демонстранти во Ханој по дпротести заради се поголемите тензии меѓу двете соседни држави за територијален спор.
Меѓу приведените се и двајца новинари на Франс прес кои известувале од настанот и кои биле ослободени неколку часа подоцна.
Силите за безбедност растерале околу 100 демонстранти од центарот на градот по едночасовни демонстрации, а потоа привеле околу 30 луѓе кои се одведени во „рехабилитациски“ центар во предградие на главниот град.
Виетнам и Кина долго спорат за островите Спартли и Парасел и права на истражување и риболов во води околутие острови. Во Виетнам од 2011 година имаше неколку антикинески демонстрации кои властите во почетокот ги толерираа, но подоцна ги забранија.