Рускиот претседател Владимир Путин телефонски разговарал со францускиот колега Емануел Макрон во врска со прашањата на соработката во борбата против пандемијата на коронавирусот, соопшти вечерва Кремљ.
Како што се наведува, во разговорот е потврдена намерата да се развијат контакти меѓу релевантни организации од двете земји во врска со производство на вакцина и имунизација на населението.
Путин, меѓу другото, со задоцнување му го честитал роденденот на Макрон и му посакал брзо закрепнување од коронавирусот.
Двајцата лидери се осврнале и на ситуацијата во Украина, Нагорно-Карабах, Иран, Сирија и Либија.