Премиерата на зимската 3х3 лига под организациска капа на Кошаркарската федерација на Северна Македонија, во соработка со здружението „3х3 Macedonia“ ќе содржи пет турнири.
-Предвидено е да се одиграат четири квалификациски турнири и еден финален турнир во текот на зимскиот период. Сите турнири ќе бидат FIBA Endorsed. Турнирите ќе се одвиваат согласно Протоколите за заштита и превенција од ширење на COVID-19, информираат од КФСМ.
Првиот турнир е закажан за идниот викенд, 27 декември во СРЦ „Кале“ (голема сала).
Зимскиот шампион ќе добие парична награда во висина од 2.000 евра и слот за учество на FIBA Challenger, второпласираниот ќе добие парична награда во висина од 1.000 евра додека третопласираната екипа ќе добие парична награда во висина од 500 евра.