Србија е подготвена да соработува со Русија во борбата против коронавирусот, но и во заедничкото производство на вакцината, изјави министерот за здравство на Србија, Златибор Лончар, за ТВ-каналот Русија-24.
„Би сакал да кажам дека сме отворени за соработка со Русија. Би сакале нашите две земји да работат заедно на производство на вакцини, но и на заедничка борба против короната и другите болести”, рече Лончар, пренесе ТАС.
Лончар му се заблагодари на рускиот претседател Владимир Путин затоа што и обезбеди на Србија да ја истражува вакцината Спутник V.
„Ниту една друга земја не го стори тоа, само Русија. Имаме лабораторија во која се анализира квалитетот на руската вакцина“, додаде Лончар.