Израел воспостави дипломатски односи со Бутан, претежно будистичка држава, кој е сосед на Индија, објави денеска „Џерусалим пост“.
Свечената церемонија се одржа во резиденцијата на израелскиот амбасадор во Индија, Рон Малка.
Израелскиот министер за надворешни работи Габи Ашкенази го поздрави настанот како „главна пресвртница во продлабочувањето на врските на Израел со Азија“.
– Кругот на признавање на Израел расте и се шири, рече тој, додавајќи дека се надева дека ќе го пречека кралот на Бутан во Израел некаде во следната година.
Министерството за надворешни работи соопшти дека Ашкенази и неговиот колега од Бутан, Танди Дорџи, веќе оствариле разговори и се согласиле на соработка во области како што се управување со водите, земјоделство, здравствената заштита и многу други.