Репрезентацијата на Србија ја оствари првата победа во воведниот настап на женското ракометно првенство кое се одржува во Данска. Србинките направија голем пресврт и по негативата од шест гола на полувремето славеа со 29-25. На паузата Холанѓанките имаа 9-15.
По слабото прво полувреме во вториот дел селекторот на Србија ја смени тактиката и одигра со седум на шест во нападите што донесе резултат. Со серија од 6:0, Србинките се вратија во игра, а во завршницата подобро се снајдоа и стигнаа до првата победа на првенството.
Катарина Крпеж Слезак ја предводеше Србија до победата со одлично издание особено во второто полувреме, постигна 11 гола и беше прогласена за играч на натпреварот. Во репрезентацијата на Холандија, Даник Снедлер со пет гола беше најефикасна, а не помогнаа ниту 15 интервенции на Тес Вестер. Селекцијата на Србија во првото полувреме остана без Андреа Лекиќ кој заработи повреда.
