Рускиот претседател Владимир Путин нареди до крајот на следната недела да почне масовно вакцинирање против Ковид-19.
Први со руската вакцина „Спутник V“ предвидено е да се вакцинираат здравствените работници и учителите.
Руската фармацевтска индустрија е подготвена за масовно вакцинирање, бидејќи во следните денови бројот на произведени дози вакцина ќе достигне до два милиона, истакна Путин.
Вакцината „Спутник V“, што ја произведува Научно-истражувачкиот институт „Гамалеја“ на 11 август доби потврда за регистрација од Министерството за здравство во Русија и стана прва регистрирана вакцина против новиот коронавирус во светот.