Американскиот речник „Мериам-Вебстер“ го избра зборот „пандемија“ за најупотребуван збор во 2020 година.
„Понекогаш еден збор дефинира цела ера и логично е во оваа исклучително тешка година еден збор да избие на врвот“, пишува на веб-страницата на речникот.
Авторите ги анализирале информациите за тоа кој збор најчесто се пребарувал во речникот на Интернет и откриле дека тоа е зборот „пандемија“.
Нагласено е дека првиот голем скок во потрагата по зборот е пријавен на 3 февруари, а корисниците почнале почесто да го бараат на 20 јануари, кога биле регистрирани првите случаи на инфекција со Ковид-19 во САД.
Речникот „Мериам-Вебстер“ го објавува рангирањето „Збор на годината“ од 2003 година.
Во 2019 година збор на годината беше „тие“ ( „they”).