Три дена преку Здравствениот дом во Велес се вршат бесплатни брзи Ковид тестови. Како што информира Николче Димовски директор на ЈЗУ Здравствен дом тестот го работи нивна екипа на лаборанти и лекар во зградата на поранешното Основно училиште „Јордан Хаџи Константинов –Џинот“ .
Појаснува дека нивниот пункт е во засебни простории од просториите за Ковид тестирање кое од поодамна го врши медицинска екипа на ЈЗУ Центар за јавно здравје.
Димовски информира дека тестирањето е во терминот од 11 до 14,15 мунти, а дневно се вршат по 40 тестирања со закажување преку Мој термин од матичните лекари. Пациентот треба да го исполнува алгоритмот,односно да има симтоми на Ковид,а не повеќе од пет дена.
-За овие брзи тестови, резултатите граѓаните ги добиваат веднаш, а резулататите од истите се доставуваат и до матичните лекари, информира Димовски.