Еден ден откако се одлучи на екстремен чин и скокна од вториот кат на Инфективната клиника во Тирана, почина 69-годишниот пациент со Ковид-19, јавија албанските медиуми.
И покрај напорите на лекарите, Р.Г. од Фиер им подлегнал на серозните повреди со кои се здобил при падот на бетонска патека. Сега почнатиот пациент бил хоспитализиран пред една недела и бил на интензивна терапија.
Неговиот син вчера за медиумите изјави дека татко му немал никакви психички проблеми.
Ова е четврти ваков случај во Албанија од средината на август. Претходно тројца пациенти зазаразени од Ковид-19, на возраст од 29, 65 и 52 години се самоубија со фрлање од балконите на „Шефќет Ндроќи“ или болницата „Ковид два“. И во нивните болнички картони немало податок дека имале какви било психички проблеми.
По се почестите обвинувања за недоволната грижа поради пренатрупаните болници, од страна на роднини на починатите и опозицијата, се огласи премиерот Еди Рама, според кого „вакви нешта се случуваат во многу други држави во Европа“.
-Во Италија од март до август се самоубиле 71 ковид пациент а беа регистрирани и голем број обиди за самоубиство. Во Германија се самоубија четворица паценти, исто толку во и Саудиска Арабија, самоубиства има и во Франција. Зарем и таму, како што овде обвинува опозицијата, самоубиствата ги потикнуваат владите на тие земји.Да плачеш или да се смееш, рече Рама.