Поради неносење маски 283 лица добиле казни во изминатото деноноќие информираат од Министерството за внатрешни работи.
„Во текот на изминатото деноноќие на територијата на Република Северна Македонија, по однос на мерката за носење лична заштита на лице, регистрирани се 283 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата, со цел справување со ковид-19“ – стои во соопштението од МВР.
Според последните измени на мерките за заштита од коронавирусот, носењето маски е задолжително и на отворени површини. Исклучок од ова се лицата кои спортуваат, децата под шест години како и лицата со посебни потреби.