Со зурли, тапани и музика, македонците од областа Голо Брдо го прославија отварањето на граничниот премин Џепиште-Требиште на македонско албанската граница.
Стотина македонци, и политичките претставници на македонците во Албанија во присуство на министрите за внатрешни работи на Македонија и Албанија, Јанкуловска и Нока го дочекаа денот на официјалното пуштање во употреба на преминот кој ќе функционира како заеднички, а на едно место ќе се проверуваат потребните документи за влез и излез. Полициските службеници од двете страни ќе бидат сместени во еден монтажен објект.
Инаку, од отворањето на локалниот премин Џепиште – Требеишта на 2 мај годинава досега низ него поминале 726 патници, од кои 117 македонски, а 609 странски државјани.
Според македонците во областа Голо Брдо со ова значително ќе се олесни протокот на возила, стока и патници, а многу полесно ќе доаѓаат во Македонија, каде поради близината со градот Дебар ќе може да ги извршуваат потребните активности.
h=”640″ height=”480″ class=”aligncenter size-full wp-image-151464″ />
Во исто време на граничниот премин Ќафасан беше отворен и првиот заееднички контакт центар за полициска соработка помеѓу Македонија и Албанија, што ќе придонесе за подобрување на полициската соработка и размена на потребните информации во борбата против организираниот криминал.
„Со денешното отворање на контактниот центар испраќаме една порака за подобрување на соработката, протокот на патници и возила и интензивирање на комуникацијата помеѓу двете држави. Ваквиот систем на работа е систем кој во голема мера го олеснува функционирањето на полициските служби, но би сакала да додадам дека со Р Албанија имаме и еден уште повисок степен на соработка кој практично се манифестира на граничниот премин Џепиште – Требиште“, рече минисетрката Јанкуловска.
„Ова претставува чекор напред во соработката меѓу двете земји. Веќе имаме заеднички патроли и заеднички ќе дејствуваме во спречување на меѓуграничен криминал“, рече министерот за внатрешни работи на Албанија“, Фламур Нокда.
Мики Трајковски