Челси е подготвен во следниве денови да го пушти под наем голманот Кепа Арисабалага, пишува весникот „Сан“.
Вчера „сините“ го привлекоа Едуард Менди од Рен и според медиумите на Островот, Френк Лампард воопшто нема да губи време и брзо ќе го „избрка“ играчот, за кој лондонскиот тим даде 80 милиони евра.
Серија грешки го ставија Кепа под сериозен притисок од неговото пристигнување во Западен Лондон, откако тој направи фатални грешки на двата натпревари во лигата против Брајтон и Ливерпул.
Лампард целосно го изгуби трпението со глманот и доби одобрение од управата да го изнајми, а сега тој ќе бара тим. Челси се надеваат дека во неговиот нов тим Кепа ќе се врати во неговите добри денови и ова ќе му овозможи на клубот да го продаде за добри пари.
Се вели дека голманот најверојатно ќе се врати во Шпанија, а претходно лето се поврзуваше со Севиља и Валенсија. Сепак, се верува дека тој сигурно нема да остане во тимот оваа сезона.