Познат лекар од државната клиника за Гинекологија, инспекторатот бил фатен на лице место како врши гинеколошки интервенции во приватна здравствена установа сместена во стан, јави порталот „Здравство.мк“.
Тој е трет лекар кој за неколку дена беше фатен од инспекторите како работи нелегално и спротивно на законот. Согласно законските прописи, тој може да заврши на дисциплинска во установата каде е вработен, а ќе добие и забрана да работи во приватни здравствени установи. Нема да се извлече и приватната ординација која го ангажирала докторот.
Вчера клуч на врата во период од 30 дена добија дијагностичката лабораторија „Хистолаб“, како и дерматолошкиот оддел во „Промедика медикал центар“. Во првата, професор од Онкологија иако не бил вработен во лабораторијата, нудел услуги, а работел и спортивно на Законот за дополнителна дејност. Во втората установа на лице место била фатена лекарка од Пластична хирургија како изведувала реконструктивни зафати иако установата не била регистрирана за тоа.