Рио Фердинанд, дефанзивецот на Манчестер Јунајтед и еден од најискусните играчи на англискиот шампион, изрази задоволство од назначувањето на Дејвид Мојс за наследник на Алекс Фергусон.
– Раководството на клубот направи добар избор. Ние играчите сме задоволни и веруваме дека Мојс е способен да обезбеди континуитет на добрите игри и резултати. Неговиот начин на работа е сличен со тој на Фергусон. Новиот тренер ја има нашата поддршка, изјави Фердинад.
Досегашниот тренер на Евертон, Дејвид Мојс од вчера и официјално е нов тренер на англискиот шампион, а неговиот шестгодишен договор ќе почне да тече од 1 јули.