Властите во САД соопштија дека бројот на новозаразени деца од Ковид-19 во државата се искачил за 40 проценти. Според податоците објавени од Американската академија на педијатрите, во САД од Ковид-19 починале 86 деца, а близу 100.000 се инфицирани.
Загрижува и бројот на смртните случаи во САД кој изнесува повеќе од 160.000.
Oваа недела се дебатира дали училиштата треба да се отворат или да се продолжи со онлајн настава и во новата учебна година.
Дебатата за повторно отворање на училиштата на ниво на САД доби политичка позадина бидејќи двете политички партии не изнајдоа соодветно решение ниту успеаја да најдат компромис.
Демократите, во најголем дел го обвинија претседателот на САД, Доналд Трамп за несовесно работење и се спротивставија на неговите предлози за повторно отворање на училиштата.