Кандидат за пратеник во пакистанскиот парламент е убиен денеска во Карачи заедно со својот тригодишен син, соопшти пакистанската полиција.
Тоа е прво убиство на пратенички кандидат од почетокот на предизборната кампања во Пакистан која ја одбележаа закани и наапди на талибанците.
Талибанците од 11 април убија 62 луѓе. Садик Заман Катак беше кандидат на Националната партија Авами, водечка секуларна партија на северозапад во Пакистан каде претежно живеат етнички Паштуни.
– Катак се враќал од џамија по молитва заедно со тригодишниот син кога непознат напаѓач на мотор пукал во него и ги убил него и синот, соопшти портпарол на полицијата. Засега никој не презеде одговорност за убиството, но талибанците директно и се закануваа на партијата тврдејќи дека изборите, што треба да се одржат идната недела се неисламски.