Воз утрово излетал од шините откако налетал на поголем одрон на камења на пругата меѓу Краљево и Рашка во Србија, а според првичните извештаи, едно лице е повредено.
Несреќата се случила на излезот од тунел кај манастирот Стара Павлица, а на снимките се гледаат надлежните од Железници на Србија, кои се обидуваат да го расчистат местото.
Според Железници на Србија, среќна околност е што во моментот на несреќата, во возот имало само еден патник и кондуктер, како и машиновозачот, кој е единствениот повреден и бил префрлен во болницата во Рашка.
Возот излетал од шините околу четири часот наутро, а одронот се наоѓа на излезот од тунел, па машиновозачот немал прегледност и не можел да го избегне судирот со одронетите карпи.