Морничави снимки од стравотната експлозија во Бејрут, Либан, речиси без прекин се споделуваат во јавноста, по трагичниот настан денеска, каде што загинаа најмалку 78 луѓе, а повеќе од 4.000 се повредени.
Луѓето што го снимале црвениот чад кој се издигнал од магацин од бејрутското пристаниште во близината на центарот на Бејрут, не ни претпоставувале дека може да се случи толкава експлозија, за што сведочат и снимките на граѓаните направени во моментот на трагедијата.
BREAKING – New video showing the enormous 5~ kiloton explosion in #Beirut, #Lebanon. 40+ dead, 3,000+ injured.#LebanonExplosion pic.twitter.com/IUDPRJ3Oli
— SV News ? (@SVNewsAlerts) August 4, 2020
Terrifying video from a guy driving his car while filming the Beirut explosion…pic.twitter.com/0XpfqCw22L
— Rex Chapman?? (@RexChapman) August 4, 2020
На една од снимките се гледа како во моментот на експлозијата, една жена во раце го грабнува детето и бега, немајќи претстава што се случува. Татко, пак, во истиот момент кога го чувствува потресот, го зема детето и го засолнува под маса.
View this post on Instagram
На дел од снимките, пак, се гледа како луѓето додека се на работа, во продавница или на улица ја дочекуваат експлозијата, иако се оддалечени и по десетина километри од местото.
View this post on Instagram
View this post on Instagram
Последните податоци на надлежните се дека експлодирале 2.700 тони амониум нитрат кои биле запленети и се чувале во пристаништето во Бејрут. Амониум нитратот се користи за ѓубрива и за експлозив, тој не гори, но неговата стапка на согорување се зголемува во присуство на запаливи материи, и во отсуство на кислород.
Кога амониум нитратот ќе се загрее и стопи, тој ослободува токсични гасови, а кога загревањето е прекумерно, како за време на пожар, предизвикува експлозија.
Токму од овие причини, либанските власти ги повикаа граѓаните да го напуштат Бејрут или да останат затворени во своите домови, поради смртоносните последици што може да ги предизвика експлозијата и можноста од кисели нитратни дождови.
BREAKING – Lebanese Health Minister urges residents of Beirut to leave the city ASAP if they can, fears of deadly effects from explosions – @Natsecjeff
— Disclose.tv ? (@disclosetv) August 4, 2020
Болниците во Бејрут се преполни. Многумина останаа заглавени под урнатините во куќите.
Во либанските медиуми се вели дека јачината на експлозијата била 5,4 килотони, што е за една третина помалку од јачината на атомската бомба во Кирошима и Нагасаки.
Гувернерот на Бејрут, Марван Абуд, давајќи изјава за медиумите по стравотната експлозија, не можеше да ги запре солзите, споредувајќи ги овие два настани.
Либанското Министерство за здравство соопшти дека многу луѓе засега се водат како исчезнати.
„Луѓето се јавуваат во центрите за итна помош, барајќи ги своите блиски, а потрагата е тешко да продолжи бидејќи е темно, а нема струја. Се соочуваме со вистинска катастрофа и ќе треба многу време за да се измерат последиците со кои ќе се соочиме“, изјави либанскиот министер за здравство Хамад Хасан.
Претседателот на Либан, Мишел Аун, рече дека ќе биде прогласена вонредна состојба во наредните две недели и дека утре ќе се состане кризниот штаб од неговиот кабинет.
Додека од речиси секоја држава од светот се нуди помош и се изразува сочувство, засега непознати остануваат причините за несреќата.
„Ова личеше како ужасен напад врз Либан, и САД се подготвени да ѝ помогнат на државата со која имаме добри односи“, изјави претседателот на САД, Доналд Трамп.
President Trump sends “America’s deepest sympathies to the people of Lebanon” after massive deadly explosion in Beirut.
“Our prayers go out to all the victims and their families. The United States stands ready to assist Lebanon.” https://t.co/dZEwFF6aNx pic.twitter.com/UxQAUs7ipA
— ABC News (@ABC) August 4, 2020
Во меѓувреме, граѓаните на Бејрут ги отвораат своите домови – нудат помош за сите оние кои немаат каде да ја поминат ноќта бидејќи нивните куќи и станови се урнати од експлозијата.
На посебна мапа која се шири на интернет, може да се видат локациите за тоа на кои места можат да ја поминат ноќта оние кои вечерва се соочија со трагедијата.