Најмалку две лица загинаа, а многу други се заробени по несреќа во тунел што доведе до експлозија во градот Грин Ривер, Вајоминг.
Неколку возила, меѓу кои трактор и камион, учествувале во верижен судир, по што дошло до експлозија која траела околу 30 минути, пишува британски „Мирор“.
Според соопштението на властите, тунелот може да се урне во секој момент, поради што спасувачките екипи ќе имаат потешкотии да пристапат до местото на несреќата.
⚠️ WARNING: This post contains graphic descriptions of a tragic incident
A fiery pileup inside an Interstate 80 tunnel near Green River, Wyoming, on Friday claimed at least two lives & left five others seriously injured. The crash, involving multiple semi-trucks & vehicles,… pic.twitter.com/YbLWzwZ6At
— True Crime Updates (@TrueCrimeUpdat) February 15, 2025
Началникот на полицијата на округот Свитвотер, Џејсон Мауер, изјави дека во моментов се преземаат сите заштитни мерки на местото на несреќата, но дека поради опасните услови и структурните оштетувања во тунелот, не е можно понатамошно дејствување.
Засега се потврдени две жртви, а најмалку седум лица се повредени и пренесени во болница. Геолозите и инженерите во моментов ја проценуваат инфраструктурата на тунелот.
Несреќата се случила околу пладне по локално време, а пожарот предизвикал голема материјална штета.