За жал, дури и во време на пандемија, владата преку регулаторните тела донесува одлуки со кои ги штити монополите и олигополите, додека постојано ја влошува состојбата на граѓанит, повеќе од иритирачки е фактот што нашата држава сè уште игра со судбината на своите граѓани, се вели во соопштението на Коалиција Алијанса за Албанците и Алтернатива како реакција на највата за покачување на цената на електричната енергија.
„Зголемувањето на цената на електричната енергија за 7,4% е драстично зголемување што не би се оправдало дури и во нормални времиња, а уште помалку може да се оправда во услови на криза кога граѓаните имаат намалени приходи.Наместо да им помагаат на граѓаните, тие се повеќе се соочуваат со дополнителни трошоци.Образложението дека ова зголемување се должи на намалените приходи во овој сектор е скандалозно, бидејќи граѓаните платиле и продолжуваат да плаќаат сметки за електрична енергија дури и во услови на криза без никакви разлики.Револтирани како и секој граѓанин на нашата земја, коалицијата АА-ААА бара итно повлекување на одлуката на Регулаторната комисија! Државата има обврска да им помогне на граѓаните наместо да ги оптоварува со неосновани поскапувања.Како земја што се стреми кон Европската унија, ние имаме обврска да се однесуваме во европски дух и да се прилагодиме на европските практики кои секогаш го ставаат Граѓанинот на прво место!“, стои во соопштението.
Во овој поглед, коалицијата АА-ААА бара цената на електричната енергија да се намали за 20% минимум, со цел да се олесни состојбата на граѓаните додека не се надмине пандемијата, а исто така да се разгледа и индустриската тарифа за деловните субјекти, „ние како коалиција сме подготвени да ги поддржиме граѓаните по секоја цена и целосно ги поддржуваме нивните барања“, потенцираат тие.