Андреа Гјестванг е прогласена за најдобра фотографка на натпреварот „Sony World Photography“ во 2013 година. Во конкуренција од речиси 122.000 фотографии од преку 170 земји, Гјестванг ја доби наградата од 25.000 долари.
Таа успеа да направи серија портрети на деца кои го преживеаја масакарот на островот Утоја во близина на Осло во 2011 година, кога во терористички напад на камп 69 луѓе го изгубија животот, а 66 беа повредени.
Портфолиото на фотографии го носи насловот: „Еден ден во историјата“. Темата на сликите е многу искрена и чувствителна, соопштуваат од Светската фотографска организација.
Децата се сведоци на еден од најшокантните масовни убиства кој светот ги видел. Нивните портрети ги откриваат како после ужасниот масакар, тие повторно успеале да ги изградат своите животи.
Петар Клинчарски