Независното здружение на новинари на Србија (НУНС) денеска во Белград делеше заштитни маски и елеци со натпис ПРЕСС за редакциите кои известуваат од протестите.
Акцијата е организирана откако неколку новинари, сниматели и фоторепортери беа повредени во претходните денови додека известуваа за протестите во Белград, а целта на иницијативата е новинарите да бидат повидливи, но и надлежните органи и самите граѓани повеќе да се грижат за нивната безбедност.
Здружението најави и дека во наредните денови ќе набави нови количини маски и елеци, но ги повика и надлежните и демонстрантите да се грижат за безбедноста на новинарите кои, како што истакна, работат во интерес на јавноста.