Велковска: СДСМ и ДУИ одобрија итна обнова на пат во Бојане среде кампања

Од:

Еколошката активистка и советничка во Град Скопје Драгана Велковска денес ги обвини СДСМ и ДУИ дека се обидуваат да ги поткупат гласачите со последната одлука итно да се доделат средства за рекнструкција на локален пат во Бојане.

Како што вели Велковска, мнозинството на СДСМ во Советот усвои две одлуки за меѓуопштинска соработка со општините Карпош и Сарај: за целосна реконструкција на улици околу муслимански гробишта во Нерези (учество на градот е 3,5 милиони денари) со Карпош, додека соработката со Општина Сарај е за реконструкција на локален пат за с. Бојане – активност планирана да трае 2 години, во 2020 (20 милиони денари со ДДВ) и 2021 г. (40 милиони мкд со ДДВ).

Според Велковска, процедурата, која налага дневниот ред да „може да се дополни со нова точка за која има потреба од неодложна расправа, при што предлагачот е должен да ја образложи итноста за тоа,“ била заобиколена.

„Предлагачот не беше во можност да ја докаже, камоли да ја образложи, итноста на предлог-одлуката за с. Бојане. За волја на вистината, малку повеќе му одмогнаа манипулативните изјави на членови на советничката група на сдсм. Невештите и провидни оправдувања на изборниот поткуп беа навреда за интелигенцијата на секој кој слушаше во моментот и плуканица во лице за сите што секој изборен циклус гласаат за неселективна правда и правна држава,“ вели Велковска.

„Де факто поткупувањето на гласачи е кривично дело според чл. 162 од Кривичен законик на РМ, ама ние не живееме во земја каде што законите се почитуваат. Ние живееме во земја каде што законите се менуваат да го озаконат криминалот. И таа традиција непрекинато и посветено се пренесува од партиско колено на партиско колено,“ додава таа.

Би можело да ве интересира

(ВИДЕО) Мециновиќ: Мицкоски го присвои државниот буџет – Левица со 80 амандмани за враќање на јавните пари во служба на граѓаните

Левица: Зошто обвинителот Арнаудоски сѐ уште го води предметот за Сара – кој ќе ја испита неговата непристрасност и интегритет?

Левица: ОЈОГОКК бара докази за истепаниот малолетник во Охрид – Внатрешна контрола и Тошковски ја саботираат постапката

Горан Наумовски

Вработен во ДЗС осомничен за примање поткуп од 32.000 денари, Обвинителството бара притвор

Левица: Факултетите и Ректоратот на УКИМ во мрак, Пошта и културните установи под закана од истата судбина

А1он

(ФОТО) Левица: Полициско насилство врз малолетници во Охрид – Tошковски молчи

А1он