Американскиот министер за одбрана Чак Хејгл изјави дека претставници на Тел Авив не го информирале за оценката на израелското разузнавање, според кое Сирија неколкупати употребила хемиско оружје.
Тој на прес-конференција во Каиро истакна дека за време на средбите со израелските воени претставници во Тел Авив не бил информиран за оценката по ова прашање.
Хејгл нагласи дека американски разузнавачи го разгледуваат прашањето за користење хемиско оружје од страна на сирискиот режим против бунтовниците. Министерот додаде дека Вашингтон бара цврсти докази пред да го објави својот став во врска со ова прашање.