Гужви, без почитување на мерките вечерва во Охрид. Шеталиштето покрај Охридското Езеро преполно со посетители од други градови, но и жители.
Дел од нив не ги почитуваат мерките за заштита од коронавирус, застануваат и се поздравуваат со познаници и купуваат од тезги без да носат маски.
Поради навалата од луѓе, тешко се одржува и препорачаната дистанца од два метри. Иако постојано патролира полиција со службено возило, тие не ги казнуваат граѓаните кои не ги почитуваат мерките.
Од паркираните возила се гледа дека бројни во градот се и скопјаните кои викендот го минуваат во Охрид. Вечерва забележително е дека полни се и кафеаните и кафулињата.
