Потпретседателот на СДСМ и носител на Коалицијата „Можеме“ во ИЕ 2 Оливер Спасовски, го повика Христијан Мицкоски јавно да одговори кој точно ја финансира партијата ВМРО-ДПМНЕ и со какви пари.
– Уште колкумина од обвинетите и осудените во предметите на СЈО, покрај Орце Камчев, донирале во ВМРО-ДПМНЕ? За тоа ли толку се противеше Мицкоски на Законот за јавно обвинителство, за пари и за да штити финансиски криминал? Мицкоски ова треба да го каже јавно и ако тој не појде сам да им го каже и на институциите, тие се должни да постапат по допрен глас. Христијан Мицкоски е обновен Груевски, јасно е, а на граѓаните обновен режим НЕ им треба. Граѓаните сакаат сигурна иднина и на 15 јули изборот ќе биде сигурност, изјави Спасовски.