На 15 јули имаме клучен историски избор, дали сакаме да одиме напред кон Европа или сакаме да се враќаме назад кон кичот и кон фасадната политика, изјави денеска носителот на листата во ИЕ1 од коалицијата „Можеме“, Никола Димитров.
Успеавме да влеземе во НАТО, порача тој и покажавме дека можеме.
– Доста бевме жртва. Сакаме Европа да ја донесеме дома. Што значи тоа за македонските граѓани коишто ќе гласаат на 15 јули? Тоа значи: повеќе нормалност, повеќе ред, повеќе правда, подобар економски стандард, повисока просечна плата, повисока минимална плата, повисоки пензии, изјави Димитров.
Европа дома, посочи Димиртров, значи и еколошка држава: казни за загадувачите, триплиран бројот на еко-инспектори, во секоја општина комунална еко-полиција со надзор од 24 часа, сто милиони евра субвенции за добри еколошки филтри на индустриските капацитети.
– Меѓу другото и државните институции ќе ги направиме еколошки, енергетски ќе се снабдуваат со топлинска енергија, изјави Димитров.