Градоначалникот на Скопје Петре Шилегов е позитивен на Ковид-19, објави тој на социјалната мрежа „Фејсбук“. Вели дека има лесни симптоми и благо покачена температура и дека нема потреба од хоспитализација.
„Почитувани, би сакал да ве известам дека и покрај сите мерки кои што се превземаа од моја страна за моја лична и заштита на луѓето околу мене, сепак не успеав да се себезаштитам од Ковид 19.
Искрено се надевам дека вирусот го немам пренесено никому.
Денешното тестирање покажа позитивен резултат. Клиничката слика е добра, со благо покачена телесна температура и без потреба од хоспитализирање.
Ова е доказ дека вирусот не смее да се потцени и дека мора секој од нас да внимава.
Чувајте се и чувајте ги другите околу вас“, пишува тој.