Американскиот претседател Доналд Трамп се закани денес дека против демонстрантите кои ќе се појават на неговиот прв предизборен митинг претстојниов викенд во Талса, во мнозински републикански расположената Оклахома, „ќе бидат преземени мерки,“ кои не ги прецизираше.
Трамп истакна дека кон демонстрантите кои ќе упаднат на предизборниот митинг со кој се отвора неговата кампања за реизбор, ќе се постапува многу поинаку, отколку што е тоа случај во другите градови.
„Било кои демонстранти, анархисти, агитатори, крадци или криминалци: ако дојдете во Оклахома, ве молам да разберете дека кон вас нема да се постапува како во Њујорк, Сиетл или Минеаполис. Тоа ќе биде многу поинаква сцена, напиша Трамп на Твитер.