Грчките здравствени власти во договор со Генералниот секретаријат за спорт одлучиле да воведат тестирање за коронавирус кај спортистите по случаен избор.
Како што соопштија од Генералниот секретаријат, Националната организација за јавно здравје ќе направи програма и ќе го спроведе тестирањето преку мобилните единици, а целта е да постојат податоци за Ковид-19 меѓу спортистите, но и за да се добие уште поцелосна слика за епидемиолошката слика во земјата.
Првите луѓе на двете институции истакнале дека фазите на враќање на спортски натпревари, се одвиваат целосно врз основа на новите услови и здравствените протоколи за тренинзи и натпревари.