Килијан Мбапе повеќе не сака да игра за француската фудбалска репрезентација додека селектор е Дидие Дешамп, тврди секогаш упатениот инсајдер Ромен Молина.
Молина, француски новинар кој го следат 550.000 луѓе на Х и кој пишува за Гардијан, Би-Би-Си и Си-Ен-Ен, ексклузивно објави дека Мбапе е разочаран од односот на Дешамп кон него и дека повеќе не сака да игра за националниот тим додека нов тренер е на клупата.
Дешамп не го стави на списокот капитенот на Франција за натпреварите во Лигата на нации против Израел (14 ноември) и Италија (17 ноември), на големо разочарување на Мбапе.
Мбапе поради повреда ги пропушти октомвриските натпревари против Израел и Белгија, а сега Дешамп изјави дека негова одлука е да не го повика Мбапе и дека ја презема одговорноста за евентуалните последици.
Дешамп ја предводи Франција од 2012 година и има освоено светско злато (2018) и сребро (2022), европско сребро (2016) и Лигата на нации (2021).
Мбапе постигна 48 гола и даде 35 асистенции на 86 натпревари за Франција од 2017 година и оттогаш беше клучен играч во сите успеси на „триколорите“.