Поранешната специјална јавна обвинителка, Катица Јанева, им се соблекла по долна облека на ревизорите кои ги презентирале наодите за финансиското работење на веќе згаснатото Специјално јавно обвинителство. Информацијата за „А1он“ ја потврдуваат и од МВР, од каде велат дека е направен и записник за констатиран прекршок.
„Во 10.30часот, К J. (1965) по наредба од Кривичен Суд – Скопје била спроведена во Државен завод за ревизија, во палата „Емануел Чучков“, каде го нарушила јавниот ред и мир со дрско и непристојно однесување на јавно место. Сочинет Записник за констатиран прекршок“, велат од МВР за „А1он“.
Поради однесувањето на Јанева била повикана и екипа на Брзата помош, а потоа е префрлена во станот во центарот на Скопје, каде издржува мерка куќен притвор за предметот „Рекет“.