Властите во Москва почнаа да ги ублажуваат мерките воведени со цел да се спречи ширењето на пандемијата, девет недели по нивното воведување.
Од денес, парковите и трговските центри се отворени, а на граѓаните им е дозволено да шетаат и вежбаат по првпат од воведувањето на мерките, пренесува Би Би Си.
Како што се наведува, иако рускиот претседател, Владимир Путин објави дека епидемијата го достигнала својот врв, бројот на пациенти продолжува да расте.
Најголем број пациенти во цела Русија се забележани во Москва, но и најголем број смртни случаи, но сепак, градоначалникот дозволи отворање на продавници, книжарници, трговски центри, паркови.
На граѓаните им е дозволено да одат на прошетка три пати неделно во периодот од 9.00 до 21.00 часот и со употреба на рота-систем се мери колку долго биле надвор.
Јавните собири се уште се забранети до 14 јуни.