Словенечката армија се уште е неподготвена да дејствува ефикасно при евентуална воена состојба, покажува редовниот годишен извештај за состојбата во вооружените сили, јави дописникот на МИА од Љубљана.
Оцената за подготвеноста за извршување на борбени задачи е иста како за во 2018 години, а таа е недоволна, смета претседателот на државата Борут Пахор.
Сепак, определен напредок е забележан во способноста на армијата да му помага на цивилното населенија во услови на криза, односно подготвена е квалитетно да ги извршува поставените задачи во мирнодопски услови.
Според извештајот, словенечката армија ужива голема доверба кај граѓаните, а помошта на армијата во справувањето со епидемијата на коронавирусот се оценува како квалитетна и навремена.