Светското првенство во бокс за мажи во 2021 година ќе се одржи во Белград, објави Меѓународната боксерска федерација (АИБА).
Датумите на турнирот во српската престолнина ќе бидат утврдени подоцна. тие мора да бидат корегирани по одложувањето на Олимписките игри во 2020 година за 2021 година поради пандемијата на коронавирус.
Првично, Мундијалот 2021 година требаше да се одржи во Њу Делхи. Сепак, градот не ги исполни своите финансиски обврски кон АИБА и Србија ја доби организацијата. Од главниот град на Индија се бара да плати казна од 500.000 американски долари.
Белград ќе биде домаќин на Светското првенство по втор пат, претходно тоа се случи во 1978 година.