Филипче: Предлогот е од четврток навечер до понеделник наутро да има полициски час за првомајските празници

Од:

Утре на владина седница ќе се донесе одлуката за тоа колку ќе трае полицискиот час за време на првомајските празници. Ставот на министерот за здравство, Венко Филипче, е дека повторно, како и за време на велигденските празници, целиот викенд треба да биде затворен, односно да има полициски час од петок до понеделник.

„На утринскиот состанок на штабот јас го изнесов мислењето, кое е мислење и на Комисијата за заразни болести, која со консензус смета дека викендот треба да биде целосно затворен, како што беше оној за Велигден, односно од петок до понеделник. Во меѓувреме, видов некои реакции на министерот Чулев, но сметам дека овде не треба да станува збор за какво било лично мислење, став или желба, туку мислењата се темелат на стручните сознанија на Комисијата за заразни болести. Така функциониравме до сега“, вели Филипче и додава:

„Секако дека граѓаните не сакаат да седат дома, кој би сакал да седи дома затворен 3 дена, но има причина зошто е тоа така предложено“.

Овој предлог за целосно затворен викенд од петок до понеделник ќе се разгледа на утрешната седница на Владата каде ќе бидат слушнати мислењата на сите министри, по што јавноста ќе биде известена, рече Филипче.

Би можело да ве интересира

Филипче: Моја главна грижа ќе биде грешките од минатото никогаш да не се повторат

Катерина Ѓуровски

Филипче: Привилегирани поединци на сметка на запоставување на мнозинството членови нема да има

Филипче: Ќе ја отвориме работата на комисиите – политиките ќе се градат врз основа на широка стручна дебата

Филипче: Ќе водам со пример и ќе барам сите функционери да го следат мојот модел на работа

Филипче: Потребна е промена на организациската поставеност за поголемо вклучување на членовите

Предраг Петровиќ

Филипче: Секретар за односи со општинските организации – ново тело за подобра внатрепартиска комуникација