Оштетени се два автобуса број 70 и 55 на Јавното сообраќајно претпријатие во тепачка што се случи вечерва околу 19 часот и 40 минути во близина на бензиската пумпа на „Макпетрол“ кај новата Железничка станица.
Според првичните информации од полицијата, станува збор за нарушување на ред и мир што го предизвикале две групи помлади лица.
Откако дошло до тепачката, двете групи се растурени. Неколкумина се веќе во полициска станица, а по другите се трага.