Пациентите хоспитализирани во Куманово, ќе се префрлаат во Скопје

Од:

Хоспитализираните лица во кумановската болница од Ковид-19 ќе бидат префрлени во Скопје, затоа што голем дел од вработените во болницата се во самоизолација, извести на денешната прес-конференција министерот за здравство Венко Филипче.

Станува збор за седум лица кои се хоспитализирани во кумановската болница, а се позитивни на коронавирусот.

Понатаму, како што извести Филипче, во кумановската болница ќе се врши тријажа, односно проценка на здравствената состојба на пациентите, па во комуникација со директорот на Градската болница „8 Септември“, ќе се одлучува дали тие, во зависност од симптомите ќе бидат префрлени во Скопје или ќе останат да се лечат во кумановската болница.

Во меѓувреме, завршени се тестирањата на вработените во кумановската болница.

„Од 210 вработени, само кај двајца се најдение зголемени антитела и тие ќе бидат тестирани на вирусот. Истото тоа, како стратегија, ќе го спроведеме и во текот на следната недела, посебно во одделенијата и болниците во кои сметаме дека има најголем ризик“, истакна Филипче.

Тој додаде дека на денешниот состанок на Комисијата за заразни болести од стручен аспект било разговарано во однос на барањата на Кризниот штаб за прогласување карантин во Куманово, но дека конечната одлука ќе биде донесена на утрешната седница на Владата.

Би можело да ве интересира

Филипче: Во Буџетот нема пари за зголемување на платите – нема развој, само долгови и камати

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

(ВИДЕО) Филипче: Мицкоски лаже дека СДСМ донела одлука за влез на Алта банка

(ВИДЕО) Надзорна расправа: Со одлука на владата на СДСМ во 2023 бил дозволен влез на Алта банка, вели Мицкоски

(ВИДЕО) Филипче: Кој е Мицкоски да продава банки и кој би купил пропадната банка

Притвор и мерки за претпазливост за осомничените за перење пари и изнуда во Куманово