Владата засега нема да ги коментира новите идеи и размислувања од Метју Нимиц за да не се наруши процесот што го води медијаторот, изјави денеска премиерот Никола Груевски.
– Вчера добивме нови идеи од Нимиц но нема да ги коментираме за да не се наруши процесот што го води медијаторот, рече Груевски, одговорајќи на новинарски прашања.
Претходно, и шефот на дипломатијата Никола Попоски потврди дека Нимиц во оваа фаза доставил определени идеи и размислувања, но во овој момент, во интерес на процесот, нема да дава какви било коментари за тоа што содржат.