Преполни паркинзи со автомобили, по улиците метеж, граѓаните во редици чекаат пред маркетите да испазаруваат. Ваква е сликата во Скопје пред продолжениот полициски час кој ќе трае од 16 часот до 5 наутро во понеделник.
Скопјани ги окупираа продавниците за храна во овие неколку часа пред забараната за движење. Пазарат сите и помалди и повозрасни. Брзаат да накупат што е можно повеќе, бидејќи за кратко време се ќе биде затворено.
Забележливо е дека најголем дел од нив до касите туркаат од големите корпи, преполни со прехрамбени продукти за да им стаса храна за викендот. Рафотвите брзо се празнат што создава тензија и кај купувачите и кај вработените.
Претежно се купува леб, млеко, овошје но, и средства за хигиена во домаќинството. Дополнителна тензија создава запазувањето на редот и растојанието меѓу луѓето, при што во маркетите се пуштаат по неколку купувачи, согласно мерките за заштита од коронавирусот. Со потрошувачката паника, трговците треба да се справат за кратко време и да затворат пред започнувањето на полицискиот час.
Освен во големите маркети ред се чека и пред пиљарите, пред продавниците за бели пецива, маалските продавници и гранапи, но и пред тобако за цигари.
