Специјалниот пратеник на Обединетите нации во разговорите за името меѓу Македонија и Грција амбасадорот Метју Нимиц денеска и утре во Њујорк ќе има средби со претставниците на двете земји, Зоран Јолевски и Адамантиос Василакис.
– Амбасадорот Нимиц ќе се сретне со двајцата претставници одвоено, а потоа на заедничка средба, со цел да продолжат разговорите под посредништво на Обединетите нации, за да се изнајде заемно прифатливо решение за прашањето за името, соопшти прес-службата на Свестката организација.
Последната рунда разговори се одржа на 29 и 30 јануари, по што следуваше најава за нова, скорешна средба на Нимиц со претставниците на Македонија и Грција.