Министерството за информатичко општетво и администрација излезе со реакција по денешната изјава на дополнителниот заменик министер за информатичко општество и администрација Невенка Стаменковска Стојковски.
„МИОА вчера го објави Извештајот на вработени во јавниот сектор за 2019-та година. Извештајот покажува зголемување на бројот на вработени за 832 лица, односно за 0,6%, споредено со 2018-та година.
Бројка, што ДПМНЕ не може да ја прифати затоа што не одговара на нивните лажни проекции и дезинформации за илјадници нови вработени, кои изминатиот период ги пласираа во јавноста“, пишува во ракцијата на Министерството.
Од МИОА велат дека согласно Законот за вработени во јавен сектор, Извештајот се објавува „најдоцна до крајот на првото тримесечје во тековната година, за претходната календарска година“.