Екипата на Арсенал постигна победа на гостувањето во Бирмингем кај ВБА со 2:1, а стрелец на двата гола беше чешкиот интернационалец Томаш Росицки.
Првиот гол го постигна во 20.минута, а вториот во 50.та минута. Домашните го намалија поразот со голот на Џејмс Морисон од пенал во 71.минута.
Македонскиот интернационалец Горан Попов на овој дуел беше резерва во тимот на ВБА.
Денешните натпревари од 32.коло во Премиер лигата не минаа добра за домашните екипи, бидејќи освоија само еден бод. Постигнати резултати на другите три средби: Норвич – Свонси 2:2, Рединг – Саутемптон 0:2 и Стоук – Астон Вила 1:3.
Утре се играат пет натпревари: Ливерпул – Вест Хем, Тотенхем – Евертон, Челзи – Сандерленд, Њукасл – Фулам и КПР – Виган.
Дербито на овој круг се игра в понеделник меѓу градските ривали Манчестер Јунајтед и Манчестер Сити.