Министерот за здравство Венко Филипче вели дека мерките за изолација од страна на голем број граѓани не се почитуваат, и покрај сите препораки да не се излегува од домовите, освен ако не е нужно и да нема собирање во поголеми групи.
Поради тоа веќе се подготвени ригорозни мерки кои ќе бидат разгледни попладнево на владина седница.
-Очигледно е непридржувањето до мерките, очигледно е дека има сериозна бројка граѓани кои апелите, пораките и ризикот не го земаат сериозно. Имаме одговорност мерките да ги заостриме, бидејќи тие ќе имаат логика и ќе дадат резултати само ако целосно се почитуваат, вели тој.
Комисијата за заразни болести утрово веќе дала предлог препораки во однос на засилување на мерките и истите попладневно треба да бидат разгледани на владина седница.
